September 24, 2022

NethTv.com

Hot & Fast News – Gossip – Sport News – Entertainment 24 Hours

ඥානසාර හිමියන් ගැන වාර්තාවක් ජනපති ලේකම් කාර්යාලයට

බන්ධනාගාර ගතව සිටින බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ගේ විස්තර ඇතුළත් වාර්තාවක් බන්ධනාගාර දෙපාර්තමේන්තුව ජනාධිපති ලේකම් කාර්යාලය වෙත යොමු කර තිබෙනවා. ඊයේ ජනාධිපති ලේකම්වරයා ලිපියක් මගින් බන්ධනාගාර දෙපාර්තමේන්තුව වෙත දැනුම්දී තිබුණේ උන්වහන්සේගේ තොරතුරු ඇතුළත් වාර්තාවක් ලබා දෙන ලෙසයි. එ අනුව ඊයේ පස්වරුවේම බන්ධනාගාර කොමසාරිස් මෙහෙයුම් කාර්යාලය විසින් එම වාර්තාව යොමු කළ බව බන්ධනාගාර දෙපාර්තමේන්තුවේ උසස් නිළධාරියෙකු කියා සිටියා.

පූජ්‍ය ගලගොඩ අත්තේ ඥානසාර හිමියන්ගේ සිරදඩුවම, බන්ධනාගාර ගත වූ දිනය සහ සිරදඩුවමට අනුව බන්ධනාගාරය තුළ ගෙවා ඇති කාල සීමාව , මෙන්ම බන්ධනාගාර ගත වූ දින සිට උන්සහන්සේගේ හැසිරිම සහ සිරදඩුවම අවසන් වන දිනය ඇතුළත් වාර්තාවක් ලබා දෙන ලෙසයි ජනාධිපති ලේකම් කාර්යාලය මගින් මෙලෙස ඉල්ලා ඇත්තේ. එ අනුව එම සියලූ කරුණු ඇතුළත් කර අදාළ වාර්තාව ඉදිරිපත් කළ බව ද බන්ධනාගාර දෙපාර්තමේන්තුවේ උසස් නිළධාරියා වැඩිදුරටත් සදහන් කළා.